Cute Pk

Cute World

  • Apr 10

    Sabo o jaam thukrane lage hain

    Yeh deewane kahan jane lage hain

    Junoo ka konsa hai yeh parao?

    Bare hi waswase aane lage hain

    Hamara dil azal se aap ka hai

    Kahan ham or behlane lage hain

    Zamane ne dikhaya kia taghayur

    Jo apne they woh baigane lage hain

    Dikhaya mojiza mere qalam ne

    Ke harf o sher tarpane lage hain

  • Apr 8

    Tu ne jo aankh mujh se pheri hai

    Ek ghazal main ne aaj cheri hai

    Dil dharakta hai mere seene mein

    Be qarari kahan se jaagi hai

    Aasman par hain tazkare tere

    Or zameen par teri kahani hai

    Lab pe Shikwa na aankh mein Aansoo

    Zindagi main ne yoon guzari hai

    Dil ki dunia se kia Zia othey

    Be qarari hi be qarari hai

    Woh Saeeda mila hai jis din se

    Zindagi mujh ko kitni pyari hai

  • Apr 8

    Dil keyi hasratoon se hai labraiz

    Yaad kar ke haseen Zamane ko

    Boojh dil ka otar geya hota

    Koi sonta mere fasane ko

    Be qarari ka abb yeh alam hai

    Dil na mane tere bahane ko

    Jaan abb ja na or dil se kaheen

    Dekh na! Hai bahar jane ko

    Tu jo rootha tu phir na loot aaya

    Main tu tyar thi manane ko

    Tum bhi so jao aae gham e janaa

    Abb mujhe bhi hai neend aane ko

    Aap zehmat karein bulane ki

    Main tu hazir khari hoon aane ko

    Main Saeeda kahan thi amaada

    Tha Zia jald baaz kane ko

  • Apr 8

    Laho aab e namkeen hoa ja raha hai

    Or aankhon ke raste baha ja raha hai

    Achanak hi risne lage zakhm dil ke

    K phir khoon dil ka hoa ja raha hai

    Yeh kia ho rahi hai mere dil ki halat

    Yeh kion sabar ka dam ghuta ja raha hai

    Yeh kaante se kion aankh mein chubh rahe hain

    Lahoo dil ka pani hoa ja raha hai

    Hai ghamnaak aankhon mein surat tumhari

    Samaa saara mehshar hoa ja raha hai

    Tere saath chalne ki khawahish hai dil mein

    Magar waqt guzre chala ja raha hai

    Zara mur ke dekho kabhi ess taraf bhi

    Jo haal e Saeeda hoa ja raha hai

  • Apr 8

    Mera lahoo jo hijar ne pani bana diya

    Aankhon ke raste sabhi main ne baha diya

    Aae zindagi bata mujhe kis kis ko dosh doon

    Aalam e jaan guzar ne tu dil hila diya

    Maa ban ke main ne dil se lagaya otha liya

    Oss ne meri wafaoon ka jo bhi sila diya

    Main soochti hoon baarha apnoo ki bheer ne

    Dukh hi diye hain enn ke siwa or kia diya

    Jheelein hain jo saobatein main ne shabana roz

    Onn ke karam ne ghar mera jannat bana diya

Find us on Facebook